Hezkuntza-zentroaren eta bere ingurunearen iraunkortasunerako eta kalitaterako hezkuntza-programa bat da. Hezkuntza komunitatearen (batez ere ikasleen) parte hartzean oinarritzen da eta udalerriaren garapen iraunkorrean esku hartzen eta elkarlanean aritzen da.

20 urte baino gehiago daramatzagu ilusioz eta gogoz proiektu honekin esku artean ikastolan. Ingurumen zein gizarte arazoak konpontzeko asmoz, ezagutzak, trebetasunak, jarrerak motibazioa eta konpromezua garatzen ditugu gure ikasleekin. Bide luze honetan, ESKOLA JASANGARRIA ziurtagiria lortu genuen 2015. urtean eta gaur egun, eskola jasangarria izaten jarraitzen dugu.

Gizartean izan den iraultza teknologikoa eraldakorrenetariko baten testigu gara; une oro aldatzen eta berreraikitzen den gizarte baten iraultzaren testigu, eta sarri ez espresuki ongi planifikatua. Horregatik, gure ikastolan ikasleen ibilbide digital berri hauetan ondo prestatuta egoteko nahian, apustu handi bat egin dugu proiektu honen alde. 

Proiektu digitala ikastolaren hezkuntza proiektuarekin bat etorriko da eta ikastolaren kudeaketa planean integratuta egongo da. Ikastolaren kudeaketa, plan estrategikoan oinarritzen da eta hori urteko planetara hedatzen da.

2022ko urtarriletik dago abian Baso Eskola gurean, naturak ikasleen garapen integralean eskaintzen duen onuretan sinisten dugulako.

Aire zabalean, jolasa, ikaskuntza zein hezkuntza prozesua bateratu egiten dira eta, modu horretan, elkarbizitza osasuntsuagoa lortzen da. Irakasleak bidelagunak dira eta haurrak lagundu egiten dituzte, ez gidatu. Saioak ikastolako eremu naturalean eta inguruan dugun Ulia naturgunean gauzatzen ditugu.

Bertan dugun aberastasuna kontuan harturik, adin desbedinetako haurren beharrei erantzuteko aukera paregabeaz baliatzen gara. Proiektua curriculumean txertatuta dago eta HH 3-4-5 eta LH 1-2-3 mailatan gauzatzen da.

Bertsozale Elkartearen eskutik, bertsolaritza ikasgelan lantzen dugu. Jolasean eta kantuan, bat-batekoa lantzen da batez ere.

Bertsozale Elkarteko irakaslea ikasgelako dinamika gidatzera etortzen da eta tutorea ere gelan izaten da. Horrela, bi irakasleen artean aukera dugu ikasturtean zehar egingo diren ekimenak adosteko eta proiektua ikasgelara egokitzeko. Proiektua curriculumean txertatuta dago eta LH 5 eta 6. mailetan gauzatzen da.

Ikastolen Hizkuntza Proiektuaren helburua euskaran eta euskalduntasunean ardazten den eleaniztasuna garatzea da. Hartara, Hizkuntza Proiektua ikastolan lantzen diren hizkuntzen ikaskuntza-irakaskuntzari eta erabilerari dagozkien alderdiak biltzen dituen eta haien trataerari koherentzia ematen dion egitasmoa da. Egitasmo integrala da, eta Ikastolaren eremu guztietan, ikaskuntza-irakaskuntzan, eskola-komunitatearen harremanetan, eta Ikastola txertatuta dagoen gizarte hurbilekiko harremanetan eragiten du.

Lan-metodoa ikasleak binaka antolatzean datza. Bat tutorea izango da eta bestea ikaslea, ondoren rolak aldatuko dituzte. Irakasleak tutoreari emango dizkio bikotekidearekin irakurri beharko dituen testuak eta elkarrekin erantzun behar dituzten galderak.

Proiektua curriculumean txertatuta dago eta LH 2, 3 eta 4. mailetan gauzatzen da.

Gizarte aldakorrean eta konplexuan bizi gara, eta horrek erronka berriak dakartza hezkuntzaren alorrean. Ikasleen ongizateak, garapen pertsonalak eta gizarteratzeak gero eta arreta handiagoa eskatzen dute. Testuinguru honetan sortu da ONKI PROGRAMA, ikastolen Tutoretza Marko berrian oinarritutako lanketa, hezkuntza oso eta koherente baten parte gisa.

ONKI PROGRAMA barne sendotasunaren garapena bermatzeko tresna indartsua da, ikasleen ongizatea eta garapen osoa sustatzeko sortua. Konfiantzazko harremanak, seguruak eta osasuntsuak eraikiz, irakasleen, ikasleen eta familien arteko elkargune esparru bat sortzen du, elkarrekin bizitzeko konfiantzazko gunea. Ikasleen eraldaketa erdigunean jartzen ditu, eta emozioen kudeaketa, entzute aktiboa, elkarbizitzarako arauen adostasuna eta taldeko pertenentzia sustatuko ditu besteak beste. Helburua ez da soilik jazarpena prebenitzea; ikasleen autoezagutza, soziala eta emozionala bermatzea da, bizitza bete eta orekatu baterako tresnak eskainiz.

ONKI PROGRAMA bizitza bete eta orekatu baterako tresnak garatzeko eta bizitzako egoera desberdinei aurre hartzeko, prebenitzeko aukera bat da.